BMW-dən yeni elektrik skuteri: BMW C evolution

Просмотров: 2630
BMW-dən yeni elektrik skuteri: BMW C evolution
  • BMW-dən yeni elektrik skuteri: BMW C evolution
  • BMW-dən yeni elektrik skuteri: BMW C evolution
  • BMW-dən yeni elektrik skuteri: BMW C evolution
  • BMW-dən yeni elektrik skuteri: BMW C evolution
  • BMW-dən yeni elektrik skuteri: BMW C evolution
  • BMW-dən yeni elektrik skuteri: BMW C evolution
  • BMW-dən yeni elektrik skuteri: BMW C evolution
  • BMW-dən yeni elektrik skuteri: BMW C evolution
  • BMW-dən yeni elektrik skuteri: BMW C evolution
  • BMW-dən yeni elektrik skuteri: BMW C evolution
  • BMW-dən yeni elektrik skuteri: BMW C evolution
  • BMW-dən yeni elektrik skuteri: BMW C evolution

Məlum olduğu kimi, BMW təkcə dəbdəbəli avtomobillərin istehsalı ilə məşğul olmur, həm də əla motosikletlər buraxır. C evolution bunun əyani sübutudur. İkitəkərli nəqliyyat vasitələrinin buraxılışını BMW Motorrad bölməsi həyata keçirir. Onun mütəxəssisləri yalnız elektrik mühərrikinin köməyi ilə işləyən skuterin hazırlanmasının sonuncu mərhələsindədirlər. Onların qarşısında şəhər şəraitində istismara yaxşı yarayan və ekoloji cəhətdən təmiz olan mobil nəqliyyat vasitəsi yaratmaq vəzifəsi qoyulmuşdu.

Şirkətin mütəxəssisləri ikinci vəzifənin öhdəsindən çox tez gəldilər və iki maksi-skuter ərsəyə gətirdilər: C 600 Sport C 650 GT. Yeni motosikletlər ənənəvi BMW gücünü adi skuter manevrliliyi ilə ideal şəkildə birləşdirir. Mütəxəssislər ikinci vəzifənin, yəni ekoloji təmizlik məsələsinin həllinə də ciddi yanaşırlar. 2011-ci ildə BMW E-Scooter konsepti nümayiş etdirildi və onun təkmilləşdirilməsi nəticəsində C evolution seriyasının bir neçə prototipi işıq üzü gördü.

BMW C evolution elektroskuterləri elektrik ötürücüsünün innovativ sistemi, ötürücünün  dişli kəməri və planetar reduktorla təchiz olunub. Mühərrikin qüvvəsi 15 a.g. - 48 a.g. edir ki, bu da skuterin maksimal sürətinin 120 km/saat olması üçün bəs edir. BMW C evolution elektroskuterinin sürətyığma dinamikası 600 kub sm həcmli ənənəvi benzin mühərriki ilə təchiz olunmuş maksi-skuterlərin dinamikası ilə müqayisə oluna bilər.
BMW Motorrad bölməsindən verilən açıqlamaya görə, C evolution-un batareyasının ehtiyatı 100 km məsafə qət etməyə kifayət edir. Akkumulyatoru üç saat ərzində adi məişət rozetkasından doldurmaq mümkündür. Diyirlənmə və ya əyləclənmə zamanı rekuperativ rejim tətbiq edilir ki, bunun sayəsində batareya əlavə enerji ehtiyatı əldə edir.

Konstruktorlar batareyanın işinin temperatur rejiminə də yetərincə diqqət yetiriblər və onu tökmə alüminiumdan düzəldilən və şassinin elementini təşkil edən korpusda yerləşdiriblər. Aerodinamik optimallaşdırma sayəsində istilik hava vasitəsilə effektiv surətdə qovulur. İstehsalçı zəmanət verir ki, batareya uzun illik istismar ərzində özünün ilkin tutumunu mühafizə edəcək. BMW C evolution-da ənənəvi rama yoxdur, onun ağırlıq mərkəzi alçaqda yerləşir ki, bu da şəhər şəraitində əla manevr qabiliyyətini və magistral boyu hərəkət zamanı hərəkət kursunun əla dayanıqlığını təmin edir.

Bavariyalı istehsalçının buraxdığı istənilən nəqliyyat vasitələrində təhlükəsizlik yüksək səviyyədədir. C evolution skuteri də istisna təşkil etmir. O, 270 millimetr diametri olan əyləc diskləri, ikiporşenli supportlar və ikikanallı ABS sistemi ilə təchiz olunub.
C evolution elektrik skuterinin ön tərəfində 40 millimetrlik çevrilmiş "çəngəl" var. Arxa asqı tənzimlənən amortizatorla təchiz olunub. İstər ön, istərsə də arxa asqının hərəkət məsafəsi 115 millimetr təşkil edir. Elektroskuterə 15 düymlük yüngül lehimli diskləri olan təkərlər quraşdırılıb.

Arxa təkərin ölçüsü 160/60 R-15, qabaq təkərin ölçüsü isə 120/70 R-15-dir. Xüsusi Metzeler Feelgreen şinlərinin diyirlənməyə qarşı müqavimət göstəricisi 25 faiz azaldılıb. Bu şinlərin potensial kilometrajı yüksəkdir.

İnnovativ skuter yaraşıqlı dizaynı ilə seçilir. O, xüsusi ağ-yaşıl boya ilə rənglənib. BMW C evolution skuterinə diqqətlə baxdıqda bir rəngdən digərinə keçid yerlərində və detalların formalarında bumeranq cizgilərini sezmək olar. Əsas elementini TFT-monitor təşkil edən cihazlar panelinin dizaynı BMW i3 elektromobilindən götürülüb. Cihazlar paneli sürücüyə hərəkət sürəti ilə yanaşı, batareyadakı enerji ehtiyatının səviyyəsi barədə də məlumat verir.

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.