BMW Alpina B7 2013

Просмотров: 1817
BMW Alpina B7 2013
  • BMW Alpina B7 2013
  • BMW Alpina B7 2013
  • BMW Alpina B7 2013
  • BMW Alpina B7 2013
  • BMW Alpina B7 2013
  • BMW Alpina B7 2013
  • BMW Alpina B7 2013
  • BMW Alpina B7 2013
  • BMW Alpina B7 2013
  • BMW Alpina B7 2013
  • BMW Alpina B7 2013
  • BMW Alpina B7 2013
  • BMW Alpina B7 2013
  • BMW Alpina B7 2013
  • BMW Alpina B7 2013

BMW 7-ci seriyaya aid olan yenilənmiş avtomobillərin bu yaxınlarda keçirilmiş təqdimatı konserni BMW B7 Alpina idman avtomobilini təkmilləşdirməyə sövq etdi. Yenilənmiş avtomobilin premyerası 2012-ci ilin avqustunda Pebble Beach Concours d'Elegance çərçivəsində baş tutacaq. Onun avtomobil bazarında 2012-ci ilin payızına peyda olacağı gözlənilir.

Yenilənmiş BMW B7 Alpina idman avtomobilinin kuzovu əvvəlki kimi Dinqolfinqdəki zavodda hazırlanıb. Buxloe şəhərində (Bavariyada) Alpina mütəxəssisləri komandası ona əl gəzdiriblər. Bu kollektiv 60-cı illərdən BMW avtomobillərinin təkmilləşdirilməsi ilə məşğul olur və təkmilləşdirdiyi avtomobilləri idman yarışlarında iştirak üçün təqdim edir.
Alpina firması tüninq atelyesi deyil, belə ki, tam hazır avtomobillərin təkmilləşdirilməsi ilə məşğul olmur. Alpina avtomobilləri üçün əvvəlcə sifariş verilir, sonra isə onlar BMW zavodunda Alpina avtomobili kimi hazırlanır.

BMW Alpina B7 2013-ün xarici dizaynında dəyişikliklər çox deyil. Dəyişikliklər sırasına 20 düymlük çoxmilli təkər diskləri, modernləşdirilmiş faralar və eksklüziv radiator barmaqlığı aiddir. Salonda gur səsli Bang & Olufsen Surround firma audiosistemi diqqəti cəlb edir.
Yenilənmiş Alpina B7 2013-də avtomobilin dizaynının və aerodinamikasının yaxşılaşdırılmasına yönələn 30-dan artıq yeni detallara rast gəlmək olar. Onların sayəsində avtomobilin funksiyaları sırasına aşağıdakılar əlavə olunub: ön tərəfdə işıq-diod faraları və duman əleyhinə faralar, mühərrikin “start-stop” idarəetmə sistemi, aktiv müdafiə sistemi, adaptiv ksenon faralar.

Alpina B7 2013-ün mühərriki
Baza komplektasiyasına daxil olan 4,4 litr həcmli səkkiz silindrli turbinli mühərrikin (V8) optimallaşdırılması sayəsində Alpina ustaları mühərrikin gücünün 40 vahid, maksimal fırlanma momentinin isə 22 Nm artmasına nail olublar. Nəticədə BMW B7 2013 avtomobilinin qüvvəsi 540 at gücü, maksimal fırlanma momenti isə 538 Nm təşkil edir.
Mühərrik 8 pilləli avtomat transmissiya ilə tandem təşkil edir. Bunun sayəsində BMW B7 Alpina kuzovun tipindən və ötürücüdən asılı olaraq 4,3-4,4 saniyə ərzində 100 km/saat sürət yığa bilir. Beləliklə, yenilənmiş B7 Alpina bu avtomobilin əvvəlki modelinin müəyyən etdiyi rekordu (4,5 saniyə) yeniləyib.

İdman avtomobilinin kuzovu əvvəlki tək iki versiyada təklif olunur: baza versiyası və təkər bazası uzadılmış versiya. Buraya ön və tam ötürücü arasında seçim etmək imkanı da daxildir. Yenilənmiş BMW B7 Alpina avtomobil bazarında 2012-ci ilin payızında peyda olacaq.

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.