BMW 535i-nin bazasında hazırlanmış BMW ActiveHybrid 5

Просмотров: 2148
BMW 535i-nin bazasında hazırlanmış BMW ActiveHybrid 5
  • BMW 535i-nin bazasında hazırlanmış BMW ActiveHybrid 5
  • BMW 535i-nin bazasında hazırlanmış BMW ActiveHybrid 5
  • BMW 535i-nin bazasında hazırlanmış BMW ActiveHybrid 5
  • BMW 535i-nin bazasında hazırlanmış BMW ActiveHybrid 5
  • BMW 535i-nin bazasında hazırlanmış BMW ActiveHybrid 5
  • BMW 535i-nin bazasında hazırlanmış BMW ActiveHybrid 5
  • BMW 535i-nin bazasında hazırlanmış BMW ActiveHybrid 5
  • BMW 535i-nin bazasında hazırlanmış BMW ActiveHybrid 5

BMW yeni BMW ActiveHybrid 5-in buraxılışını elan etdi. Yeni BMW 535i sedanına 3,0 litr həcmli 6 silindrli Twin-Power Turbo mühərriki quraşdırılıb. Mühərrik 8 pilləli avtomat transmissiya ilə tandemdə işləyir. Bunların sayəsində BMW ActiveHybrid 5 məhsuldarlığı və yanacağa qənaəti ilə seçilir.

BMW ActiveHybrid 5-in ötürücü sistemi ümumilikdə 335 at gücü hasil edir ki, bunun da sayəsində avtomobil 60 km/saat sürətlə hərəkət zamanı avtomobilin elektrik mühərrikinə keçidi mümkün olur. Kapotun altındakı 300 at gücünün sayəsində avtomobilin hərəkətsiz vəziyyətdən 100 km/saat sürət yığmasına cəmi 5,7 saniyə sərf olunur.

BMW ActiveHybrid 5-in 55 at gücünə malik elektromotoru enerjini baqaj bölməsində yerləşən yüksək məhsuldarlığa malik litium-ion akkumulyatorlarından alır. İki ötürücü sistemin gücünün harmonik surətdə birləşməsi sayəsində BMW ActiveHybrid 5 nəinki ilkin nəticələr əsasında öz seqmentində idman məhsuldarlığı ilə qürur duya bilər, həm də yanacağa qənaət göstəricisinin yaxşılaşmasının ikirəqəmli faizlə ifadə olunması ilə öyünə bilər.

BMW ActiveHybrid 5-in yüksək məhsuldarlığa malik litium-ion batareyaları hətta avtomobilin inersiya ilə hərəkəti zamanı enerji yığır, həmçinin avtomobilin dayandırılması prosesində də enerji yığılması baş verir. Elektromotor enerjini yüksək voltlu batareyaya ötürməklə generator kimi işləyir. Digər tərəfdən, sürət artırılarkən elektrik mühərriki daha yüksək funksiyaları üzərinə götürür. Belə ki, o, əlavə dartı qüvvəsi hasil edərək avtomobilin idmansayağı üsluba köklənməsini təmin edir. 

BMW ActiveHybrid 5-in baza komplektasiyasına ECO PRO rejimləri əsasında dinamika inteqrasiya olunub. O, tam elektrik rejimindən tez-tez istifadəyə imkan yaradan rejimi işə salmaqla yavaş və qənaətcil idarəetmə üsulunu təmin edir. ECO PRO rejimində hətta saatda 160 kilometr sürətlə hərəkət zamanı daxiliyanma mühərrikini tamamilə söndürmək olar. Bu rejim komfortlu idarəetmə ilə kinetik enerjidən optimal istifadəni özündə birləşdirir. İşıqforun yanında və ya tıxaclarda mühərrikin boş-boşuna işləməsinə yol verməmək üçün BMW ActiveHybrid 5 start-stop funksiyası ilə təchiz olunub. Bu funksiya işıqforun qarşısında, tıxaclarda və ya digər zəruri hallarda mühərriki söndürür. Bu müddətdə batareya elektron blokların, maqnitofonun, naviqasiya sisteminin işini təmin edir, sürücü bəndləyicinin pedalını basdıqda isə mühərrik işə düşür.

İnnovativ BMW ActiveHybrid 5 avtomobilinin 300 at gücünə malik 6 silindrli 3,0 həcmli mühərriki (maksimal fırlanma momenti 300 Nm) dalbadal iki il “İlin mühərriki” beynəlxalq mükafatını qazanıb. BMW Twin-Power Turbo mühərriki turbokompressorla, habelə High Precision Direct Injection, Double VANOS (qazbölüşdürmə fazalarının dəyişdirilməsi funksiyası ilə) və VALVETRONIC (istehlaka nəzarət) ilə təchiz olunub. Məkana qənaət məqsədi ilə BMW ActiveHybrid 5-in elektrik mühərriki 8 pilləli avtomat transmissiyanın korpusuna inteqrasiya olunub.

BMW ActiveHybrid 5 həm 14 voltluq adi enerji blokuna, həm də 317 voltluq yüksək gərginlikli enerji blokuna malikdir. Elektrik mühərrikinin və kondisionerin enerji təchizatı həmçinin yüksək gərginlikli litium-ion akkumulyatorunun hesabına həyata keçirilir. Bu akkumulyator elektrik hərəkət rejimində 35 km/saat orta sürətlə avtomobili 4 kilometrədək hərəkət etdirə bilən enerjiyə malikdir. Sürücü mühərrikin daha yüksək gücünə nail olmaq üçün qazın pedalına basdıqda daxiliyanma mühərriki avtomatik işə düşür. Sürücü sürəti artırarkən elektromotor mühərrikin hərəkət funksiyasına əlavə təkan verir, birgə işlədikdə mühərriklərin ümumi qüvvəsi 335 at gücü, maksimal fırlanma momenti isə 330 Nm təşkil edir.

BMW ActiveHybrid 5 avtomobili dayanıqlığa dinamik nəzarət sistemi, eləcə də hərəkət kursunun stabilliyinə dinamik nəzarət sistemi, əyləcin bloklanması əleyhinə sistem, döngələrdə hərəkətə nəzarət sistemi (Brake Control), dinamik nəzarət sistemi (Brake), Brake Assist sistemi, habelə avtomobilin hibrid komponentlərinin və litium-ion akkumulyatorunun müdafiəsi funksiyası ilə təchiz olunub.

BMW ActiveHybrid 5 avtomobilində təhlükəsizlik
Toqquşma zamanı BMW ActiveHybrid 5-in yüksək dərəcədə möhkəm struktur komponentləri sərnişin salonunun, habelə otürücünün hibrid komponentlərinin deformasiyasından yaxa qurtarmağa imkan verir. BMW ActiveHybrid 5 avtomobilinin digər standart təhlükəsizlik sistemlərinə bunlar daxildir: ön və yan təhlükəsizlik yastıqları, ön və arxa sərnişinlər üçün təhlükəsizlik pərdələri, kəmərin tarımlayıcı qüvvəsinin məhdudlaşdırıcıları.

Toqquşma baş verərkən BMW Assist sistemi avtomatik olaraq toqquşma barədə xəbərdarlıq edir və avtomobilin inteqrasiya olunmuş telefon kitabçasındakı nömrədən dərhal təcili yardım çağırır. Bu zaman sistem nəinki avtomobilin olduğu yer barədə məlumat verir, həm də sürücünün və sərnişinlərin zədələrinin qiymətləndirilməsini həyata keçirir. Bundan əlavə, avtomobil sürücüyə hərəkət zolağının dəyişməsi barədə xəbərdarlıq edən sistemə və gecəgörmə sisteminə də malikdir. Sonuncu sistem sürücüyə yolda piyadaların olduğu barədə xəbərdarlıq edir.

Standart 8 pilləli avtomat transmissiyanın alternativi qismində idmansayağı 8 pilləli avtomat transmissiya təklif olunacaq, sonuncuda keçid (ötürmə) müddəti daha qısadır.
BMW ActiveHybrid 5-in salonu 4 zonalı klimat-kontrolla və naviqasiya sistemi ilə təchiz olunub. Avtomobil alıcılara aşağıdakı opsiyalarla təklif oluna bilər: aktiv oturacaqlar, ventilyasiya olunan ön oturacaqlar və yüksək keyfiyyətli audiosistem. 

© 2010 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.