Azərbaycanın sığorta şirkəti beynəlxalq mükafata layiq görülüb

Просмотров: 1791
Azərbaycanın sığorta şirkəti beynəlxalq mükafata layiq görülüb

“PAŞA Həyat Sığorta” şirkəti Rumıniyada keçirilən “FIAR 2014 - Beynəlxalq Sığorta və Təkrarsığorta Forumu”nda xüsusi beynəlxalq mükafata layiq görülüb.

Şirkətin İctimaiyyətlə Əlaqələr Xidmətindən verilən məlumata görə, “XPRIMM Insurance Report” beynəlxalq sığorta jurnalı tərəfindən təşkil edilən Forum çərçivəsində “PAŞA Həyat”  Azərbaycanda “ən mənfəətli həyat sığortası şirkəti” nominasiyası üzrə mükafata layiq görülüb.

Qeyd edək ki, forum çərçivəsində Şərqi Avropa və MDB ölkələrinin ən yaxşı sığorta, təkrarsığorta və broker şirkətləri, həmçinin ictimai təşkilatlar da  mükafatlandırılıb.

Beynəlxalq Sığorta və Təkrarsığorta Forumu 1998-ci ildən təşkil edilir. Hər il tədbirdə 500-dən çox nümayəndə iştirak edir. Tədbirə Avropanın sığorta, təkrarsığorta, bank, lizinq, konsultant, audit, İT və Kommunikasiya sektoru şirkətlərinin lider və mütəxəssislərindən ibarət iştirakçıları qatılır. Forum hər il bir ölkənin təmsilçiliyi ilə keçirilir. Bu il forumda təmsilçi tərəf Azərbaycan olub.

//Gün.Az

Şərhlərin sayı: 0

AVATAR
Hələ heç kim şərh verməyib. Birinci siz olun.