Avtomobillərin etibarlılıq reytinqi J.D. Power and Associates 2012

Просмотров: 1420
Avtomobillərin etibarlılıq reytinqi J.D. Power and Associates 2012
  • Avtomobillərin etibarlılıq reytinqi J.D. Power and Associates 2012
  • Avtomobillərin etibarlılıq reytinqi J.D. Power and Associates 2012
  • Avtomobillərin etibarlılıq reytinqi J.D. Power and Associates 2012
  • Avtomobillərin etibarlılıq reytinqi J.D. Power and Associates 2012
  • Avtomobillərin etibarlılıq reytinqi J.D. Power and Associates 2012
  • Avtomobillərin etibarlılıq reytinqi J.D. Power and Associates 2012

J.D. Power and Associates 2012 reytinqi əsasında çıxarılan ümumi nəticə bundan ibarətdir ki, Şimali Amerikada istehsal olunan və satılan avtomobillərin etibarlılığının qiymətləndirilməsi meyarları (“orta kəmiyyət”) yüksəlməkdə davam edir. Bu isə belə deməyə əsas verir ki, 2009-cu ildə buraxılmış avtomobillərin keyfiyyəti kifayət qədər yüksəkdir.

Amma avtomobillərin etibarlılığı barədə onların sahiblərinin rəyi baxımından bəzi minik avtomobilləri rəqiblərindən geri qalmaqda davam edir. Tədqiqatın nəticələrinə əsasən reytinqin lideri Toyota Motor Corporation oldu.

J.D. Power and Associates 2012 reytinqi avtomobil sənayesi üçün ən mürəkkəb dövrlərin birində istehsal olunmuş avtomobillərin keyfiyyətinin ümumi mənzərəsini yaradır. Tədqiqat üçillik avtomobillərin (yəni 2009-cu il buraxılışlı modellərin) sahiblərinin son on iki ayda üzləşdikləri problemləri əhatə edir. Ümumi etibarlılığın qiymətləndirilməsi üçün meyar qismində hər 100 avtomobilə düşən problemlərin səviyyəsi (PP100) götürüldü, belə ki, bu göstərici nə qədər aşağıdırsa, avtomobilin keyfiyyəti bir o qədər yüksəkdir.

J.D. Power and Associates 2011 reytinqinin nəticələri ilə müqayisədə 2012-ci ildə dünya avtomobil sənayesinin məhsullarının orta ümumi etibarlılığı 13% artıb (ötənilki göstəricisi 151 olduğu halda, builki göstərici 132-dir, yəni problemlərin səviyyəsində eniş baş verib). Qeyd edək ki, istismar olunan yeni avtomobillərin problemlərinin səviyyəsi 1990-cı ildən bəri aparılan bu tədqiqatın tarixi ərzində bu il ən aşağı həddə düşüb. 2012-ci ildə 32 brenddən 25-i üçün etibarlılıq göstəricisi 2011-ci il ilə müqayisədə yaxşılaşıb, 6-sı üçün pisləşib, 1 brend üçün isə əvvəlki səviyyədə qalıb. Şimali Amerikada istehsal olunan minik avtomobilləri idxal olunan nəqliyyat vasitələri ilə müqayisədə ötən dövrdə etibarlılıq göstəricilərini yaxşılaşdırıblar.

J.D. Power and Associates qlobal avtomobil reytinqinin vitse-prezidenti Devid Sarcent qeyd edir: “Baxmayaraq ki, dünya iqtisadiyyatı üçün böhranlı olmuş 2009-cu il avtomobil istehsalçıları üçün əsl sınaq ili oldu, onların çoxu səylərini məhz buraxdıqları məhsulun keyfiyyətinə yönəltdilər. Bu, yaxşı haldır. Avtomobillərini uzun müddət və qənaətli şəkildə istismar etmək istəyən avtomobil sahibləri bu modelləri aldıqdan üç il sonra onların keyfiyyətindən razıdırlar. İstehsalçılar da məhsullarına etimadın artmasından və nəticədə satışlardakı artımdan fayda götürürlər. Bütövlükdə bunlar bazarın bərpasından danışmağa imkan verir”. Bəzi avtomobil brendləri buraxılan avtomobillərin keyfiyyətinə kifayət qədər diqqət yetirsələr də, onların buraxdığı avtomobillərin sahiblərinin əvvəlkitək keyfiyyətdən yetərincə şikayətləri olur.

Lexus avtomobil brendi 2012-ci ildə avtomobillərin etibarlılıq reytinqində birinci yeri tutur. Bundan əlavə, Lexus LS modeli öz seqmentində avtomobil sahiblərinə ən az problem yaratması ilə seçilib (72/100). Ən yüksək keyfiyyətli beş avtomobilin siyahısını bu modellər tamamlayır: Porsche, Cadillac, ToyotaScion. MINI Scion brendləri ötən ilin analoji tədqiqatı ilə müqayisədə göstəricilərində daha çox yaxşılaşma nümayiş etdiriblər (müvafiq olaraq, 60 və 55).

Toyota Motor Corporation uzunmüddətli etibarlılıq baxımından yaxşı nəticələr göstərməkdə davam edərək öz modelləri ilə səkkiz birinci mövqeyə nail ola bilib. Öz seqmentlərində birinci yerləri bu modellər qazanıblar: Lexus ES 350, Lexus RX 350, Scion TC, Scion ВР, Toyota Prius, Toyota Sienna, Toyota TundraToyota Yaris.
Ford Motor-un avtomobilləri arasında öz seqmentlərində ən yaxşı nəticə göstərən modellər isə bunlardır: Ford Explorer, Ford Fusion Lincoln MKZ. Öz sinfində ən yaxşı sayılmış General Motors-un avtomobilləri Buick Lucerne ilə Chevrolet Equinox, Nissan Motor şirkətinin avtomobilləri isə Nissan Frontier ilə Nissan Murano olub.

Ayrı-ayrı kateqoriyalar üzrə birinci üç yer haqqında məlumatlar
•    Superkompakt (Amerika meyarlarına görə) avtomobillər seqmentində birinci yeri Toyota Yaris qazanıb, onun ardınca isə Scion XD və Honda Fit gəlir.
•    Kompakt avtomobillər arasında ilk yeri, müvafiq olaraq, Toyota Prius, Toyota Corolla və Hyundai Elantra tutublar. Scion TC ən yaxşı idmansayağı kompakt avtomobil hesab edilib.
•    Orta ölçülü avtomobillər arasında üç mükafatçı bunlardır: Ford Fusion, Mitsubishi Galant və Toyota Camry.
•    İri avtomobillər: Buick Lucerne, Toyota Avalon və Ford Taurus.
•    “İlkin” premium-klass: Lexus ES 350, Lincoln MKZ və Acura TL.
•    “Orta” premium-klass: Hyundai Genesis, Mercedes-Benz E-Class və Volvo S80.

Pikap və krossover seqmenti üçün də analoji reytinq tərtib edilib. Ən yaxşı iri pikap adına Toyota Tundra layiq görülüb, ən yaxşı orta pikap isə Nissan Frontier sayılıb. Premium seqmentində Lexus RX 350 birincilik qazanıb. Ən yaxşı iri krossover Ford Explorer, ən yaxşı kompakt krossover isə Chevrolet Equinox sayılıb. Amerikalıların sevimlisi Scion ВР ən yaxşı çoxtəyinatlı kompakt avtomobil titulunu qazanıb.

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir. 

Şərhlərin sayı: 0

AVATAR
Hələ heç kim şərh verməyib. Birinci siz olun.