Avtomobildə sistemlər və onların açıqlanmaları

Просмотров: 1900
Avtomobildə sistemlər və onların açıqlanmaları
  • Avtomobildə sistemlər və onların açıqlanmaları
  • Avtomobildə sistemlər və onların açıqlanmaları
  • Avtomobildə sistemlər və onların açıqlanmaları

Təkərlərdən hər hansı birinin boş-boşuna fırlandığını aşkar etdikdə ABD sistemi onu dərhal əyləcləyir və mühərrikin fırlanma momentini həmin anda yol örtüyündən daha kip "yapışan", yəni yerdən üzülməyən təkərlərə ötürür.  

BAS (Brake Assist System) sistemi – əyləclənməyə yardım edən sistem

Hərəkət zamanı təlaşa düşərək əyləc pedalını basarkən sürücülərin çoxu onu ABS sisteminin aktivləşməsi üçün kifayət edən güclə basmırlar ki, bu da əyləc məsafəsinin (əyləclənmədən sonra avtomobilin qət etdiyi məsafənin) artmasına səbəb olur. Brake Assist sistemi bu faktı nəzərə alır və ekstremal əyləcləmə vəziyyətlərində ABS sisteminin aktivləşməsi üçün tələb olunan gücü təxminən 40%-dək azaldır.

BAS sistemi kritik durumlarda ekstremal əyləcləmənin ilk anlarındaca sürücünün əyləc pedalını maksimal güclə basmasına imkan verir. Başqa sözlə, kəskin əyləcləmə zamanı bu sistem pedalın basılma gücünü deyil, onun hərəkət etmə sürətini qiymətləndirir və əyləc sistemini mümkün qədər tezliklə işə alır. Beləliklə, sürücülərin çoxu avtomobili yol şəraitinin imkan verdiyi dərəcədə mümkün qədər tezliklə saxlamaq iqtidarında olurlar. BAS sistemi yalnız ABS sistemi olan avtomobillərə quraşdırılır.

Peşəkar sürücünün Brake Assist sisteminə ehtiyacı yoxdur. Axı təcrübəli sürücü hətta kritik durumlarda belə, əyləc pedalına basma gücünün dərəcəsini dəqiqliklə tənzimləyə bilir. O belə hallarda iti hərəkət etsə də, təlaşa düşmür. Təcrübəli sürücülərdən fərqli olaraq, əksər sürücülərin avtomobillərində bu sistemin olması məsləhətdir.

EBD (Electronic Brake Distribution) sistemi – əyləcləmə gücünün elektron bölüşdürücüsü

EBD sistemi ABS sisteminin əla əlavəsidir və əyləcləmə gücünü ön və arxa əyləclər arasında effektiv bölüşdürməyə imkan verir. Avtomobilin ön və arxa oxlarının üzərinə düşən yük fərqli olduğuna və əyləcləmə zamanı bu fərq daha çox dəyişdiyinə görə, EBD sistemi olmadan ekstremal əyləcləmə zamanı ön və arxa əyləclərin vaxtından əvvəl bloklanması baş verə bilər ki, bu da avtomobilin hərəkət kursunun dayanıqlığına mənfi təsir göstərir. EBD sistemi bu halı aradan qaldıraraq hər zaman anında əyləcləmə gücünü ön və arxa əyləclər arasında müəyyən faiz nisbətində bölüşdürür.

LED (Light-Emitting Diode) – işıq-diod indikatorları

İşıq-diod indikatorları ənənəvi közərmə lampaları ilə müqayisədə daha yaraşıqlıdır, amma məsələ təkcə bunda deyil. Onlar daha parlaq və təhlükəsizdir və o dərəcədə effektivdir ki, hətta benzinə çəkdiyiniz xərcləri 1% azalda bilər. 

İşıq-diod lampalı arxa fənərlərin reaksiyası ənənəvi lampalara nisbətən 10 dəfə sürətlidir ki, bu da ekstremal vəziyyətlərə reaksiya vermək üçün sürücülərin daha çox vaxta malik olmasına imkan yaradır. 100 km/saat sürətlə hərəkət zamanı bu, təxminən 6 metr əyləc məsafəsinə bərabərdir ki, bu da bir çox hallarda həlledici əhəmiyyət daşıya bilər. 

FDR (Fahrdynamik-Regelung) sistemi – hərəkət kursunun dayanıqlığına yardım edən (hərəkət kursundan kənarlaşmanın qarşısını alan) sistem

Bu sistemin əsas təyinatı mürəkkəb yol şəraitində sürücüyə yardım etməkdir. Ekstremal vəziyyət yarandıqda FDR sistemi sürücünün vəziyyətə adekvat olmayan kəskin reaksiyasını kompensasiya edir və avtomobilin hərəkətinin dayanıqlığının qorunmasına kömək edir. Bu sistem hərəkət kursundan kənarlaşma təhlükəsini hiss edir və kənarlaşmanı məqsədyönlü şəkildə kompensasiya edir. FDR sistemi ESP sisteminin analoqudur.

HBA (Hydraulic Braking Assistance) – əyləcləmə zamanı hidravlik yardım funksiyası (Volvo tərəfindən hazırlanıb)

HBA qəza vəziyyətlərində əyləclərdən effektiv istifadə etməyə yardım göstərir. İri diametrli diskləri olan bloklanma əleyhinə sistem və optimallaşdırılmış hidravlika istənilən vəziyyətlərdə əyləc məsafəsini qısaltmağa kömək edir. Bu funksiyadan aktiv istifadə etdikdə onun effektivliyi qətiyyən azalmır.

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.