Audi TT RS plus 2013: yenilənmiş və güclü

Просмотров: 959
Audi TT RS plus 2013: yenilənmiş və güclü
  • Audi TT RS plus 2013: yenilənmiş və güclü
  • Audi TT RS plus 2013: yenilənmiş və güclü
  • Audi TT RS plus 2013: yenilənmiş və güclü
  • Audi TT RS plus 2013: yenilənmiş və güclü
  • Audi TT RS plus 2013: yenilənmiş və güclü
  • Audi TT RS plus 2013: yenilənmiş və güclü
  • Audi TT RS plus 2013: yenilənmiş və güclü

Alman avtomobil istehsalçısı 2013-cü model ilinin yeni Audi TT RS plus avtomobilini nümayiş etdirib. Sələfindən daha güclü və sürətli olan bu model iki versiyada istehsal olunur: kupe və rodster. İstehsalçı əvvəlki versiyalardan avtomobil həvəskarlarına yaxşı tanış olan 2,5 litr həcmli mühərrikin qüvvəsini 20 vahid artıraraq 360 at gücünə çatdırıb. İndi bu mühərrik 4 saniyədən azacıq artıq vaxt ərzində 100 km/saat sürət yığmağa qadirdir.

Yeni modelin xarici görünüşündəki dəyişikliklərə gəldikdə, çərçivələri tutqun alüminium rəngində olan radiator barmaqlığını, arxa tərəfi göstərən yan güzgülərin karboplastikdən hazırlanmış korpusunu və səsboğucu sisteminin oval formalı dörd borusunu qeyd etmək lazımdır. Mühərrik bölməsinə nəzər salsaq, mühərrikin hazırlanmasında karboplastik materialdan da istifadə edilib. İnteryerə gəlincə, ötürücü qutunun dəstəyində Audi TT RS plus loqotipi diqqəti cəlb edir.

Təəccüblü burasıdır ki, mühəndislər avtomobilin dinamikasını hiss olunacaq dərəcədə artırmaqla yanaşı, yanacaq sərfini məqbul səviyyədə saxlamağı bacarıblar.

Audi TT RS plus avtomobilinin mühərriki
2,5 litr həcmi olan beş silindrli turbinli TFSI güc aqreqatı birbaşa yanacaqçiləmə sistemi ilə təchiz olunub. 360 at gücündə olan bu mühərrikin fırlanma momenti 465 Nm-dir ki, bu da sələfinin analoji göstəricisindən 15 Nm çoxdur. Mühərrik ya altı pilləli mexaniki, ya da yeddi pilləli S-Tronic transmissiyası ilə tandemdə işləyir. Yeni Audi TT RS plus-ın (istər kupe, istərsə də rodster versiyasında) maksimal sürət elektronika vasitəsilə 280 km/saat göstəricisi ilə məhdudlaşdırılıb. Daimi tam ötürücü Quattro elektronika ilə idarə olunur və mühərrikin fırlanma momentini bütün təkərlərə ötürür.

S-Tronic transmissiyası quraşdırılmış Audi TT RS plus kupesi (bu avtomobilin çəkisi 1450 kiloqramdır) hərəkətsiz vəziyyətdən 100 km/saat sürət yığmağa 4,1 saniyə sərf edir, mexaniki transmissiyalı kupedə isə bu müddət 4,3 saniyəyədək artır. Rodsterin analoji göstəriciləri isə belədir: mexaniki transmissiya ilə – 4,4 saniyə, effektiv S-Tronic transmissiyası ilə – 4,2 saniyə. İstehsalçının məlumatına görə, rodster versiyasında 100 km məsafəyə orta yanacaq sərfi 8,6 litr, kupedə isə 8,5 litr təşkil edir.

Avtomobilə 4 porşenli supportlarla və ön oxda perforasiyalı əyləc diskləri ilə təchiz olunmuş yüksək məhsuldarlığa malik əyləc sistemi quraşdırılıb. Yeni Audi TT RS plus avtomobilinin təkərlərinə qara rəngdə beş mili və qırmızı çevrəsi olan 19 düymlük disklər quraşdırılıb. Disklərə 255/35 ölçülü aşağı profilli idman şinləri taxılıb.

Əlavə opsiya qismində Audi konserni Magnetic Ride sisteminin quraşdırılmasını təklif edir. Arxa oxun üzərinə düşən sıxma gücünün artırılması üçün Audi TT RS plus avtomobilinə iri arxa spoyler quraşdırılıb. Avtomobilin tullantı sistemi klapanla təchiz olunub ki, həmin klapan 5 silindrli mühərrikin işinin effektini daha da gücləndirir. 

© 2010 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.