Audi R8 2013: yenilənmiş Audi superkarı

Просмотров: 1547
Audi R8 2013: yenilənmiş Audi superkarı
  • Audi R8 2013: yenilənmiş Audi superkarı
  • Audi R8 2013: yenilənmiş Audi superkarı
  • Audi R8 2013: yenilənmiş Audi superkarı
  • Audi R8 2013: yenilənmiş Audi superkarı
  • Audi R8 2013: yenilənmiş Audi superkarı
  • Audi R8 2013: yenilənmiş Audi superkarı
  • Audi R8 2013: yenilənmiş Audi superkarı
  • Audi R8 2013: yenilənmiş Audi superkarı
  • Audi R8 2013: yenilənmiş Audi superkarı

Audi 2013-cü model ilinin avtomobili olan möhtəşəm və sürətli R8 barədə məlumatları açıqladı. Bir müddət öncə jurnalistlər Avropa yollarında yeni superkarın test nümunələrini, o cümlədən onun R8 e-Tron adlı elektrik versiyasını kameralarla çəkməyə nail olmuşdular.

İdman superkarı daha dinamik xarici görünüş əldə edib. Avtomobilə altı guşəli radiator barmaqlığı (V10 versiyası üçün xromlanmış zolaqlarla) və güclü havaçəkənləri olan yeni qabaq bamper quraşdırılıb. Bamperə karbondan düzəldilmiş splitter də quraşdırmaq olar. Yeni R8-in arxa hissəsi əvvəlki nəslə aid versiyalardan dəyişikliyə uğramış diffuzoru, bamperin havaçəkənlərindəki tamasaları və parlaq metal rəngli iki tullantı borusu ilə fərqlənir. Audi R8 V10 plus versiyasında borular bir qədər tünd rənglidir.

Audi R8 2013 superkarının əsas xüsusiyyətləri arasında yüksək texnologiyalı işıq-diod optikası ilə təchiz olunmasını qeyd etmək olar. İstisnasız olaraq bütün versiyalar bu cür optika ilə təchiz olunur. Arxa görüntü güzgülərinin korpusları və havaçəkənlərin yan "qəlsəmələri" yüngül və möhkəm karbondan hazırlanıb.

Bütün istehsalçılar kimi, Audi də öz idman avtomobillərinin artıq çəkisi ilə mübarizə aparır. Uzunluğu 4,44 metr, eni 1,90 metr, hündürlüyü isə 1,25 metr olan R8 2013 modelinin çəkisi, versiyadan asılı olaraq, 1560 kiloqramdan 1660 kiloqrama qədərdir. Alüminiumdan hazırlanan kuzovun çəkisi isə kupe versiyasında cəmi 210 kiloqram, Spyder versiyasında isə 216 kiloqramdır.

Superkarın daxilində dəyişikliklər azdır, onların arasında sükan altındakı dəyişdiriciləri, cihazların əqrəblərini, habelə təknə formasında idmansayağı oturacaqları qeyd etmək olar. Oturacaqlarda yan dayaqlar daha da yaxşılaşdırılıb və müxtəlif üzlük materiallarından istifadə olunub. Audi R8 2013-ün mərkəzi konsolu və panelləri xromlanmış haşiyə ilə əhatələnib, oturacaqlarda və qapılarda isə yaraşıqlı kontrastlı tikiş xətləri diqqəti cəlb edir.

Yeni superkarın iki mühərriki – V8 və V10
Alman superkarı üçün iki effektiv və güclü mühərrik nəzərdə tutulub. R8-in texniki hissəsindəki əsas dəyişiklik isə 6 pilləli R-tronic avtomat transmissiyasının 7 pilləli S-tronic transmissiyası ilə əvəz olunmasından ibarətdir. Bunun sayəsində yeni nəsil R8-in dinamika xarakteristikaları yaxşılaşıb.

Audi R8-in birinci mühərrikinin həcmi 4,2 litr təşkil edir. Səkkiz silindri olan bu motorun qüvvəsi 430 at gücü, fırlanma momenti 430 Nm təşkil edir. Kupe versiyası 100 km/saat sürət yığmağa 4,3 saniyə sərf edir, onun maksimal sürəti isə 300 km/saata bərabərdir. Spyder versiyasının da maksimal sürəti 300 km/saatdır, amma onun 100 km/saat sürət yığmasına 4,5 saniyə tələb olunur. R8 V8 quattro-nun yanacaq sərfiyyatı hər 100 kilometrə 12,4 litr təşkil edir.

5,2 litr həcmli V10 mühərrikinin qüvvəsi 525 at gücünə, fırlanma momenti isə 530 Nm-ə bərabərdir. Bu motorla R8 kupesi 100 km/saat sürəti 3,6 saniyəyə yığır (Spyder versiyasında bu göstərici 3,8 saniyədir), kupenin maksimal sürəti isə saatda 314 km təşkil edir (Spyder versiyasında bu göstərici 311 km/saatdır).

Audi şirkəti S-tronic transmissiyasına alternativ qismində altı pilləli ənənəvi mexaniki transmissiya da təklif edir. Amma, sözsüz ki, o, yüksək səviyyəli yeni texnologiyalara əsaslanan avtomat transmissiya ilə ayaqlaşa bilməz.

Ən sürtəli və bahalı versiya olan Audi R8 V10 plus modifikasiyasına 550 at gücünə malik güclü mühərrik quraşdırılır. S-tronic transmissiyası ilə təchiz olunan bu versiyanın 100 km/saat sürət yığmasına 3,5 saniyə tələb olunur, onun maksimal sürəti isə 317 km/saat təşkil edir. 

Yeni R8-in bu cür yüksək məhsuldarlıq göstəriciləri sürətli avtomobilin təkərlərinin yol örtüyündən kip yapışmasına (avtomobilin yerdən üzülməməsinə) istehsalçı tərəfindən xüsusi diqqət yetirilməsini tələb edir. Audi yeni R8-ə ön tərəfdə 235/40 R-18 ölçülü şinləri olan təkərlər, arxada isə с 285/35 R-18 ölçülü şinləri olan təkərlər quraşdırır. V10 versiyasının şinlərinin ölçüləri isə belədir: ön tərəfdə 235/35 R-19, arxada 295/30 R-19.
Artıq yeni Audi R8-in qiymətləri elan olunub. Almaniyada satışlar 2012-ci ilin sonuna planlaşdırılır.

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.