Aprilia Stingray motosikletinin yeni nəsli

Просмотров: 913
Aprilia Stingray motosikletinin yeni nəsli
  • Aprilia Stingray motosikletinin yeni nəsli
  • Aprilia Stingray motosikletinin yeni nəsli
  • Aprilia Stingray motosikletinin yeni nəsli
  • Aprilia Stingray motosikletinin yeni nəsli
  • Aprilia Stingray motosikletinin yeni nəsli
  • Aprilia Stingray motosikletinin yeni nəsli

Bolqarıstanın Vilner dizayn bürosu Aprilia Stingray motosikletinin tüninq dizaynını təqdim etdi. Yeni tüninq dizaynının layihələşdirilməsi və hazırlanması işində risk böyük idi. Əgər avtomobil sənayesində tüninq işinə adi hal kimi baxılırsa, motosiklet sahəsində məsələ xeyli mürəkkəbdir. Belə  ki, motosikletin konstruksiyasında, eləcə də dizaynında çoxlu sayda potensial alıcıların diqqətini cəlb edə və onların marağına səbəb ola biləcək mühüm təkmilləşdirməyə nail olmaq heç də asan iş deyil.

Biz bu layihənin Vilner dizayn bürosu üçün uğurlu olub-olmayacağını deyə bilmərik. Amma təqdim edilmiş tüninq işinə baxdıqdan sonra əminliklə demək olar ki, motosikletin üslubu və dizaynı xırdalıqlarına qədər düşünülüb. Bu tüninq motosikletinə alıcı tələbatının çox və ya az olacağını zaman göstərəcək. Belə ki, hər şey satışların miqdarından asılıdır.

Motosikletin xarici görünüşünü dəyişdirmiş mütəxəssislər onun ön cinahlarında, qabaq faralarında və dönmə işıqlarında dəyişikliklər ediblər. Sonuncular işıq-diod lampaları ilə əvəzlənib. Yeni spoylerlərdən istifadə edilməsi motosikletin fərdi görünüş əldə etməsinə şərait yaradıb ki, bu da alıcıların diqqətini cəlb edən amildir. Motosikletin yanacaq çəninin formasında da dəyişikliklər edilib. Bundan başqa, dəyişikliklər arxa fənərdən də yan keçməyib.

Özü də bunlar hələ hamısı deyil. Yuxarıda qeyd edilənlərdən əlavə, oturacaq üçün yeni üzlük hazırlanıb, motosikletin ramasının rəngi və nömrə nişanının çərçivəsi dəyişdirilib, təkər diskləri yenidən rənglənib. Dizayn bürosunun rəsmi məlumatına əsasən, motosikletin gücündə artım 10 faiz təşkil edib.

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.