Amerikalılar 2012-ci ilin ən innovativ avtomobillərini seçdilər

Просмотров: 977
Amerikalılar 2012-ci ilin ən innovativ avtomobillərini seçdilər
  • Amerikalılar 2012-ci ilin ən innovativ avtomobillərini seçdilər
  • Amerikalılar 2012-ci ilin ən innovativ avtomobillərini seçdilər
  • Amerikalılar 2012-ci ilin ən innovativ avtomobillərini seçdilər
  • Amerikalılar 2012-ci ilin ən innovativ avtomobillərini seçdilər
  • Amerikalılar 2012-ci ilin ən innovativ avtomobillərini seçdilər
  • Amerikalılar 2012-ci ilin ən innovativ avtomobillərini seçdilər

Amerikanın İnternet nəşri CNET 2012-ci ilin ən innovativ avtomobillərini və qabaqcıl texnologiyalarını açıqladı. Jurnalistlərin sözlərinə görə, onlar 100-ə yaxın maşını nəzərdən keçiriblər və ötən ilin bütün motor-şoularını ziyarət ediblər.

Beləliklə, Tesla Model S elektrokarı "ilin ən texnoloji avtomobili" seçildi. Bu sedan 4,4 saniyəyə 100 km/saat sürət yığır və bir dəfə enerji ehtiyatı yığdıqdan sonra 480 km məsafə qət edə bilir. Ətraf mühitin mühafizəsi üzrə Amerika Agentliyinin (EPA) hesablamalarına görə, Model S-in orta illik elektrik enerjisi istehlakının məsrəfləri 700 dollar təşkil edir. Bu, daxiliyanma mühərriki ilə işləyən, analoji qiyməti və xarakteristikaları olan avtomobilin sahibinin xərclədiyi illik məbləğdən dörd dəfə azdır.

"Ən populyar qabaqcıl avtomobil" Chevrolet Volt hibridi seçildi. CNET nəşrinin yazdığına görə, bu modeli həm onun oxucuları, həm də jurnalistlər yüksək qiymətləndiriblər. Volt təkcə elektrik motoru ilə 65 kilometr məsafə qət edir ki, bu da ekspertlərin sözlərinə görə, işə getmək və geri qayıtmaq üçün tamamilə bəs edir. Bundan başqa, bu model benzin mühərriki ilə təchiz olunub. Sonuncu həm elektrik batareyalarının yüklənməsində iştirak edir, həm də enerji ilə bir dəfə yüklənmiş avtomobilin kifayət qədər uzun məsafə qət etməsinə şərait yaradır. Acura NSX superkarı nəşrin siyahısına "ilin ən yaxşı konsepti" kimi düşüb. CNET bu prototipin hibrid güc qurğusunu yüksək qiymətləndirib. Həmin güc qurğusunun tərkibinə bunlar daxildir: arxa təkərləri hərəkətə gətirən 3,5 litr həcmli 6 silindrli mühərrik və hər biri ön tərəfdəki bir təkəri hərəkət etdirən bir cüt elektromotor.

Toyota GT86 kupesi "ətrafında ajiotaj yaranmasına layiq olan avtomobil" kimi qeyd edildi. Nəşrin yazdığına görə, bu modelin üstün cəhətləri onun münasib qiyməti, "ilin ən yaxşı mühərrikləri" siyahısına daxil edilmiş oppozit mühərriki və əla idarə olunmasıdır.

Porsche Boxster sportkarı ən "təkmilləşdirilmiş" avtomobil adlandırıldı. Alman rodsterinin üçüncü nəsli sələfinə nisbətən daha dinamikdir. Bu modelin "top" versiyası 100 km/saat sürəti cəmi 4,8 saniyəyə yığır ki, bununla da sələfinin analoji göstəricisini 0,9 saniyə üstələyir. Orta yanacaq sərfiyyatı isə sələfi ilə müqayisədə 15 faiz azalıb.

Bentley Mulsanne "ən valehedici" avtomobil tituluna layiq görüldü. ABŞ-da qiyməti 350 min dollar olan Britaniya markasının flaqman sedanı kuzovun 144 rəng variantı və interyerin dəri üzlüyünün 24 təbii rəngi ilə təklif olunur. Avtomobilin standart təchizatına yaddaş həcmi 40 GB olan sərt disk, naviqator və 2200 vatt gücündə 14 dinamikli Naim audiosistemi daxildir.

NASA-nın Marsa göndərdiyi Curiosity Rover "Günəş sistemində ən heyrətamiz aparat" adlandırıldı. Dəyəri 2,5 milyon dollar olan bu təkərli aparat 2011-ci ildə kosmosa göndərilib və uçaraq 450 milyon kilometr məsafə qət edib. Curiosity Rover elektrik-nüvə qurğusu ilə işləyir və özündə təxminən 90 kiloqramlıq ən innovativ avadanlıqları daşıyır. Bu avadanlıqlar Mars haqqında dəyərli məlumatları toplayır və Yerə ötürür.

Ən qabaqcıl texnologiyalar siyahısına Beats by Dre audiosistemi (əlverişli "qiymət-keyfiyyət" nisbəti sayəsində) və Ford Sync AppLink multimedia kompleksi də düşüb. Qeyd edək ki, Ford Sync AppLink smartfonların bir çox əməliyyat sistemləri (məsələn, iOS, Android və Blackberry) ilə işləyə bilir.

Uca səsli rabitə qurğuları arasında ən yaxşı qurğu adına Parrot MINIKIT layiq görüldü. O, kənar səs-küyü və əks-sədanı "boğan" rəqəmsal sistemlə təchiz olunub və səs vasitəsilə göstərişləri yerinə yetirə bilir.

"Ən perspektivli texnologiya" adına isə mobil qurğuların rabitəsiz kommunikasiya sistemi NFC (Near Field Communication) layiq görüldü. Gələcəkdə bu texnologiyanın köməyi ilə bir sıra əməliyyatları yerinə yetirmək mümkün olacaq. Məsələn, avtomobil sahibi bircə dəfə telefonun düyməsini basmaqla avtomobilin qapılarını aça və mühərriki işə sala biləcək.

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.