2011-ci ilin ofrouderi

Просмотров: 588
2011-ci ilin ofrouderi
  • 2011-ci ilin ofrouderi
  • 2011-ci ilin ofrouderi

Artıq yeddinci dəfə  keçirilən “2011-ci ilin ofrouderi” mükafatı uğrunda mübarizəyə yekun vuruldu. Peşəkar münsiflər heyəti ilə Böyük münsiflər heyətinin mühakiməsinə 8 nominasiyada 105 avtomobil təqdim edilmişdi ki, onlardan yalnız 16-sı 2011-ci ilin ən yaxşıları hesab edildi.

Nominasiyaların yarıdan çoxunda peşəkar münsiflərlə həvəskar münsiflərin rəyi üst-üstə düşdü. Onların qərarları heç də təəccüblü olmadı. Axı növbəti qələbələr kimi təəccübləndirə bilər? Yalnız “krossover” nominasiyasında Kia Sportage modelinin birinci yer tutmasına sensasiya kimi baxmaq olar. Ona görə ki, onun 37 rəqibindən çoxu kifayət qədər prestijli brendləri təmsil edirdilər.

Mercedes-Benz М-Class avtomobili peşəkar münsiflər heyətinin rəyinə əsasən, “premium-klass” nominasiyasında birinci yeri tutdu. 2011-ci ildə М-Class avtomobilinin üçüncü nəsli yeni işıq üzü görüb. Yeni dizaynda hazırlanmış bu avtomobil sürücülərə və sərnişinlərə yüksək səviyyəli komfort təklif edir, yolda əla idarəetməni və manevrliliyi təmin edir, habelə, əla ofrouder keyfiyyətləri nümayiş etdirir.

2012-ci ildə 33 ilini qeyd edəcək Mercedes-Benz G-Class avtomobili “klassik ofrouder” nominasiyasında mütləq qələbə qazandı. Bu nominasiyada həm peşəkar, həm də həvəskar münsiflər bu avtomobilə birinci yer verdilər. Qeyd edək ki, 2010-cu ildə G-Class avtomobili “ilin ofrouderi” mükafatına layiq görülmüşdü.

Ənənəyə uyğun olaraq, peşəkar münsiflər heyətinin tərkibinə avtomobil jurnalistləri, yəni hər gün avtomobilləri testdən keçirən insanlar daxil idi. Böyük münsiflər heyətinin tərkibinə gəldikdə, burada “4х4” formulunun həvəskarları, sahibləri və entuziastları yer almışdı. Onlar da peşəkarlar kimi 8 nominasiyanın hamısında qalibləri müəyyənləşdirdilər. 

Nominasiyalar               Peşəkar münsiflər heyəti       Böyük münsiflər heyəti
Premium-klass              Mercedes-Benz M-class            Audi Q7
Tam ölçülü krossover   Toyota Highlander                    Toyota Highlander
Krossover                      Kia Sportage                            Audi Q5
SUV                                Toyota Land Cruiser Prado       Volkswagen Touareg
Klassik ofrouder            Mercedes-Benz G-class            Mercedes-Benz G-class
Pikap                              Volkswagen Amarok                 Volkswagen Amarok
Yüksək keçid
qabiliyyətli universal     Volvo XC70                                Volvo XC70
İlin premyerası               Jeep Grand Cherokee               Jeep Grand Cherokee

© 2010 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.