1 saniyəyə 100 km/saat sürət yığan 3000 at gücündə Dagger GT-D hiperkarı

Просмотров: 2961
1 saniyəyə 100 km/saat sürət yığan 3000 at gücündə Dagger GT-D hiperkarı
  • 1 saniyəyə 100 km/saat sürət yığan 3000 at gücündə Dagger GT-D hiperkarı
  • 1 saniyəyə 100 km/saat sürət yığan 3000 at gücündə Dagger GT-D hiperkarı
  • 1 saniyəyə 100 km/saat sürət yığan 3000 at gücündə Dagger GT-D hiperkarı
  • 1 saniyəyə 100 km/saat sürət yığan 3000 at gücündə Dagger GT-D hiperkarı

Dünyanın ən sürətli superkarını hazırlamaq istəyi amerikalılara rahatlıq vermir. Yeni TransStar Racing layihəsinin arxasında vaxtilə məşhur yürüş avtomobilləri mühəndisi olmuş və son iyirmi ildə avtomobil sənayesini və nəqliyyatını tənzimləyən dövlət strukturlarında yüksək vəzifələr tutmuş Kreyq Miller dayanır. Avtomobilin aerodinamikası üzərində NASA-nın injinirinq studiyaları işləyir. Mühərriklərlə Ron Nilsen məşğul olur (tamamilə yenidən hazırlanmış səkkiz silindrli Corvette motorunun silindrlər bloku əsasında). Sürət qutusunu Ron Mendeola hazırlayıb (yürüş avtomobillərinin transmissiyaları üzrə misilsiz mütəxəssis). Dizayn gənc istedad Ayven Luççona həvalə olunub. Çəkisi 1,1 ton olan hiperkar Bugatti Veyron-dan 1 tondan da artıq yüngüldür. O, cürbəcür variantlarda (dam örtüyü yığıla bilən gəzinti variantı da daxil olmaqla) təqdim olunacaq. İlkin versiya olan 10,4 litr həcmli V8 Twin Turbo versiyasının gücü 2700 at gücünə, fırlanma momenti 2318 Nm-ə çatdırılacaq. Doğrudur, bu yalnız yüksək oktanlı nitroyanacaqla mümkündür. Adi benzin ilə mühərrik cəmi 1300 at gücünə (ən zəif versiya isə 600 at gücünə) malik ola bilər (fırlanma momenti 1810 Nm). 2700 at gücünə malik versiyanın 100 km/saat sürət yığmasına 1,5 saniyədən də az vaxt sərf olunacaq. Bu göstərici Veyron-un analoji göstəricisini 1 saniyə üstələyir.

TranStar kompaniyası onu Bonnevill (Bonneville) gölündə sınaqdan keçirmək niyyətindədir. Güman edilir ki, orada bu hiperkar saatda 315 mil (506 km/saat) maksimal sürətlə şütüyəcək. Hiperkar karbon lifi materialından hazırlanmış rama üzərində yığılıb, kuzovu da eyni materialdan hazırlanıb. Ona iki turbokompressorlu alüminium mühərrik quraşdırılıb.

Nəticədə çox yüngül konstruksiya alınıb. Bu azmanı vaxtında dayandırmaq üçün TranStar kompaniyası onu karbon-keramika materialından hazırlanan əyləclərlə təchiz edib.
Hiperkarın ən güclü versiyası Dagger GT-D (draqster) indi 3000 at gücünə malik olacaq! Bəli, biz səhv etmirik, məhz 3000 at gücü! TranStar şirkətinin Outlaw adlandırılan bu draqsterinin sürəti 0,25 mil (401,3 m) məsafədə saatda 250 mil (401 km/saat) göstəricisini 1 saniyə üstələyəcək. O, 100 km/saat sürəti 1 saniyədən də tez yığacaq.

Hazırda kompaniya hiperkarın üç variantda istehsalını planlaşdırır: təmtəraqlı model, draqster və Dagger GT-LS. Hiperkarın modifikasiyalarının qiyməti hələlik müəyyənləşdirilməyib, amma kompaniyada hesab edirlər ki, qiymət 750 min1 milyon ABŞ dolları təşkil edəcək. Şirkət maraqlanan alıcılardan Floridadakı Palm Beach International Raceway otelində nömrələrin bronlanması üçün sifarişlər qəbul edir.

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.